حملة على نائبة من كتلة “الحرة” بسبب لباسها !!

شن نشطاء المواقع الاجتماعية حملة قاسية على النائبة عن جهة نابل من كتلة “الحرة” نادية زنطر بسبب مظهرها المثير للجدل الذي ظهرت به اليوم إلى جانب وزير التربية..واتفق الجميع على أن لباسها كان خارج السياق..
ومن ذلك ما كتبته بشأنها الناشطة امال العدواني كما يلي:
” حرية اللباس مكفولة ولكن وقت تكون une personnalité publique لبستك ما عادش ملكك، مكياجك ماعادش على كيفك، وكل حركة، كل تبسيمة لازم تكون محسوبة مليح وإلا تتعرض للـbad buzz…

في العالم الكل فمة نواميس وقوانين تحكم وتتحكم في vestimentaire متاع الشخصيات السياسية سواء كانت رجالية أو نسائية، والضغط يكون أكثر خاصة في ما يتعلق بالمرأة، والأمر ليس حدا من الحرية الذاتية كما يعتقد البعض وإنما هناك ضوابط لكل شئ أي l’art de respecter le “dress code” en politique
وهذاكة علاش سيدتي يا من أصبحت شخصية عامة( مانيش نحكي فقط على السيدة النائبة فقط ) موش اللي يجي قدامك تلبسو، لذايعيشك:
– أول حاجة تعملها ماذابيك تفهم المرفولوجي متاعك
– ثانيا موش لازم تلبس على الموضة، فموش كل موضة تنجم تكون لبسة نائبة أو مستشارة أو وزيرة

– ثالثا رد بالك من les imprimées وخاصة منهم “النمري”، وزيد رد بالك من “القازوردي” رغم اللي هو موضة وكيف تحب تلبسو ماذابيك على des fleurs صغيرونات موش لازم يكون ورد كبير…وهوكة قس على ذلك في dentelle والموسلين..
– رابعا رد بالك من décolleté في فرنسا بلد الحريات مثلا طلبت سيقولان رويال من ديوانها في وزارة البيئة عدم ارتداء les décolletés ( كان صارت في تونس راو قامت الحرب)
– خامسارد بالك تلبس حاجات غالية luxueuse برشة لأنو في ذلك فمة نوع من عدم احترام المبدأ العام للمعيشة للتونسي وهوكة نزيد نعطيك مثال متاع بلاد الفرنسيس، Rachida Datti وقت كانت وزيرة العدل في حكومة ساركوزي تقلبت عليها الدنيا خاطر لبست لبسة لشانيل وصباط لـ Christian Louboutin
– سادسا اللون الأبيض والأحمر كان تحب تلبسهم وتحب تعمل إشارة للعلم، فرد بالك فمة des degrés ما يتلبسوش، كيف كيف أعرف كيفاش تلبسهم si non تولي رسالتك مقلوبة وممكن برشة تدخلك في vulgarité
– سابعا الطالون عندو وقتو وصنتيمترات معينة موش لازم 12 و15 صم، لأنو الرسالة اللي ينجم يعطيها أنو “المسؤولة” موش “مسؤولة”، موش pratique في تعاملها وفي قراراتها…يعني بلغة أخرى مجرد “عروسة حلوى” هوني ماذابيك تشوف صبابط ملكة بريطانيا
– ثامنا موش لازم الصاك والتليفون في اليد وهوكة عندك أنجيلا ميركيل عمركش نهار شفتها بساك في يدها.
وأخيرا أكيد على وقع 2019 العظيم باش نشوفو برشة عروض فرجوية ومن هوني لهاكة الوقت ربي يعطينا الصحة والعافية باش نجمو نتحملو”..