نبيل القروي : التسجيلات مفبركة و لست متهربا من الضرائب !

أكد صاحب قناة نسمة نبيل القروي في تدوينة له عبر صفحة الرسمية على موقع التواصل “فايسبوك”،أن التسجيلات التي نسبت إليه مفبركة.
كما نفى القروي تهربه من الضرائب ،مشيرا الى أنه يواجه حملة ممنهجة أنفقت عليها الملايين و ذلك بنشر الاشاعات و الاتهامات الباطلة و التسجيلات المفبركة لتشويهه.
فيما يلي نص التدوينة:
“حبيت نشكر كل من ساندني وساند نسمة ضد الحملة القذرة متع التشويه الممنهج (إتهامات باطلة ، تسجيلات مفبركة،أكاذيب على كل لون ،إشاعات …)من طرف مرتزقة ماتخافش ربي في هالشهر الفضيل تصرفت عليها الملايين لتشويه سمعتي.
حبيت نقوللكم إلي عندكم الحق في الهبة متعكم متع المساندة إلي جاوبتوهم بيها بكل صدق وبكل تلقائية خاطر الكلو كذب وتلفيق لا تهربت من الضرائب لا هم يحزنون كل ما في الأمر أنهم تقلقو خاطرنا نعاونوا في الزواولة وقراب منهم ومشينالهم وفطرنا معاهم وسمعناهم في كامل أنحاء الجمهورية ونوصلو في أصوات المستضعفين منهم ونحاولو نلقاولهم حلول.
كيفما يتقلقو زادة كيف نسمة إدافع على الشعب ضد الحقرة وتساند عائلات المفقودين في قرقنة وتعلن عليهم الحداد وتنقل واقعهم المرير.
باش نكملو ديما مع بعضنا في الثنية هاذي على خاطرنا واقفين على قنطرة الحق .
يمكرون ويمكر الله والله خير الماكرين
نبيل القروي”